sol e lúa

a paz, cuestión de fondo

2006-05-22T13:39:00.000+02:00

O Fondo Galego de Cooperación e Solidariedade coa colaboración da IGADI (Instituto Galego de Análise e Documentación Internacional) organizaron unha serie de actividades e en especial unha exposición que vin na biblioteca de Cambre :A PAZ, cuestión de fondo,o humor contra o racismo, a violencia e a pobreza. Aquí móstrovos unha viñeta que me pareceu a máis representativa, se vos fixades combina o humor cuns problemas moi presentes na actualidade. Gustaríame que comentárades esta viñeta dando a vosa opinión.

monxes tibetanos

2006-04-27T12:57:00.000+02:00

Esta era unha visita moi esperada polo alumnado de 4º de ESO do IES David Buján:Nyari Tritul Rinpoché, naceu en 1977 en Mundgod, ao sur da India. É a terceira reencarnación do 89 Gaden Tripha. Os monxes tibetanos son budistas. O budismo é unha relixión moi antiga pois data de 600-400 anos antes de Cristo, e está estendida actualmente por Asia oriental. O seu fundador foi <> ou <>. A doutrina budista afirma que os desexos insatisfeitos obrigan ao home a nacer unha e outra vez; por iso, quen consegue vencer os seus anhelos e alcanzar o nirvana ou iluminación total, lonxe de calquera apego terreal, non volve a nacer e entra na parí nirvana. A historia do budismo divídese en diferentes etapas que manteñen certos factores comúns: vida monástica, meditación e desaparición da alma propia. Actualmente o budismo está nunha fase de debilitamento debido á presión de culturas alleas á súa relixiosidade.

a primavera

2006-03-23T13:07:00.000+01:00

Volve a primavera e con ela florecen boas novas como a tregua da ETA ante a sorpresa de todos os españois. Euskadi Ta Askatasuna declara o cesamento do fogo permanente a partir das 0.00 h do día 24 de marzo, creo que isto merece unha entrada no meu blog.

seguindo con Wislawa Szymborska

2006-03-02T13:10:00.000+01:00

Na páxina de Wislawa Szymborska aparece unha parábola bastante interesante que ten relacción cun blog moi coñecido para os alumnos de Técnicas de Expresión Escrita e esperamos que para vós tamén. É este: mensaxe nunha botella.

PARÁBOLA
Certos pescadores sacaron do fondo unha botella. Había na botella un papel, e no papel estas palabras: "Socorro!, estou aquí. O océano tiroume nunha illa deserta. Estou na beira e espero axuda. Á presa. Estou aquí!"

-Non ten data. Seguramente é xa demasiado tarde. A botella puido ter flotado moito tempo, dixo o pescador primeiro.

-E o lugar non está indicado. Nin sequera se sabe en que océano, dixo o pescador segundo.

-Nin demasiado tarde nin demasiado lonxe. A illa "Aquí" está en todos os lados, dixo o pescador terceiro.

O ambiente volveuse incómodo, caeu o silencio. As verdades xerais teñen ese problema.

Versión en castelán de Gerardo Beltrán e tradución nosa ao galego.

sen recordos daquel día

2006-02-20T13:31:00.001+01:00

Como Wislava Scymborska no seu poema "16 de mayo de 1973" no seu poemario "fin y principio" de 1993.

SEN RECORDOS DE AQUEL DÍA

16 de agosto, 1999
non o recordo,
¿que faría?
sintome mal por non sabelo.
¿como podo non acordarme
dun día xa vivido
Sei cousas
por lóxica,
tiña 8 anos
e volvía dunhas bonitas vacacións...
supoño...
gustaríame saber
o que sentía nese momento
non ter ese sentimento
de impotencia
de raiba tamén.
Hai máis:
25 de marzo,2001
¿que faría?
...

algo interesante...

2005-12-15T13:21:00.000+01:00

O outro día Estíbaliz deunos a cada un dos alumnos de técnicas de expresión escrita unha folla que me pareceu moi interesante e que decidín publicala aquí.

9 REMEDIOS PARA ESCRIBIR

E 1 PARA EXISTIR

1.-Escribir moito

2.-Reler varias veces o moito que escribimos

3.-Ser coherentes

4.-Falar do que verdadeiramente nos importa

5.-Ser claros e concisos.Eliminar o que sobra

6.-Ollo coa ortografía

7.-Estructurar o texto como un ser vivo:cabeza, tronco e extremidades

8.-Saber entrar nun texto (presentado) e saber saír dun texto (concluído)

9.-Saber non facer caso de consellos ou remedios para escribir

9+1.-Ler

¿que vos parece? A min pareceume moi interesante e sobre todo o último remedio.Cada vez doume máis conta de que ler é moi importante para todos.

outro traballo

2005-12-14T13:58:00.000+01:00

Ola de novo! con Estíbaliz tamén fixemos un traballo no que tíñamos que inventar unha máquina que fixera algo que queiramos que faga. Esta é a miña:

A MÁQUINA DOS CONSELLOS

Esta máquina aconséllache o que tes que facer ou a millor saída relaccionada cos problemas que poidas ter. É do tamaño de unha caixiña dos aneis.

Modo de empleo:

Ten un teclado que se conecta á máquina para poñerlle o problema que teñas,a continuación o pos encima da cabeza e xa está,a máquina dos consellos dache unha solución acertada.

¿que vos parece?

o meu novo blog

2005-09-26T13:47:00.000+02:00

Ola internautas! Chámome Ismael e son novo nisto dos blogs. Espero que vos guste.